HIV ബാധയെക്കുറിച്ച് തെറ്റിദ്ധാരണാജനകമായ വിവരങ്ങള്‍!

രക്താതിസമ്മര്‍ദത്തിന്റെ രണ്ടാം ഭാഗം ഇടാന്‍ തുടങ്ങുമ്പോഴാണ് അശോക് കര്‍ത്താ മാഷിന്റെ ഈ ലേഖനം കണ്ടത്. അദ്ദേഹം ഒരു പത്രവാര്‍ത്തയെ മുന്‍ നിര്‍ത്തി ഈ പോസ്റ്റില്‍ എഴുതിയ കാര്യങ്ങള്‍ എയിഡ്സിനെക്കുറിച്ച് പല ഗുരുതരമായ തെറ്റിദ്ധാരണകളും പരത്തിയേക്കാം എന്നതിനാല്‍ ആ പോസ്റ്റില്‍ ഇടാനായി എഴുതിയ കമന്റ് ബൂലോകത്തിനു വേണ്ടി ഇവിടെ ഒരു പോസ്റ്റായിത്തന്നെ ഇടുന്നു :
എയിഡ്സിനെക്കുറിച്ചുള്ള വിശദാംശങ്ങള്‍ ചേര്‍ത്ത് മറ്റൊരു പോസ്റ്റ് പിന്നീടിടാം. തല്‍ക്കാലം ശ്രീവല്ലഭന്‍ ജീയുടെ ഈ പോസ്റ്റില്‍ അതിനേക്കുറിച്ചുള്ള അടിസ്ഥാന വിവരങ്ങള്‍ ഉണ്ട്.

പ്രിയ കര്‍ത്താ മാഷേ,
ഈ പോസ്റ്റിന്റെ മാനവികമായ spirit-നോട് യോജിക്കുന്നു. വിശേഷിച്ചും താങ്കളുടെ ഈ വാക്കുകള്‍ :

“ [നേഴ്സുമാര്‍] ആത്മാര്‍ത്ഥമായി ജോലിചെയ്യുമ്പോള്‍ മെച്ചപ്പെട്ട സേവന
സൗകര്യങ്ങള്‍ ചെയ്തുകൊടുക്കണ്ടെ? അവരുടെ സുരക്ഷിതത്ത്വം ഉറപ്പുവരുത്തണ്ടെ? അത്‌
ആരുടെ ചുമതലയാണു? സ്വകാര്യമേഖലയിലാകുമ്പോള്‍ അത്‌ മുതലാളിയുടെ ഉത്തരവാദിത്തമല്ലെ? ഇവിടെ അത്‌ നിര്‍വ്വഹിച്ചിട്ടില്ലെന്ന് റിപ്പോര്‍ട്ടില്‍ കാണുന്നു. എയിഡ്‌സ്‌ രോഗികളെ ചികിത്സിക്കുമ്പോള്‍ സൂക്ഷിക്കേണ്ട അന്തര്‍ദേശീയ മാനദണ്ഡങ്ങള്‍ പാലിക്കാത്തതാണു എയിഡ്‌സ്‌ ബാധക്ക്‌ കാരണമെന്ന്
സ്ഥിതീകരിച്ചിട്ടുണ്ട്‌..."



അതിന്റെ പൂര്‍ണ്ണാര്‍ത്ഥത്തില്‍ അംഗീകരിക്കുന്നു

എന്നാല്‍ താങ്കളുടെ ലേഖനത്തിലെ പലഭാഗങ്ങളും എയിഡ്സിനെ കുറിച്ച് തെറ്റായധാരണ പരത്തും എന്നതിനാല്‍ ചില വിവരങ്ങള്‍ ഈ പോസ്റ്റു വായിക്കുന്നവരുടെ ശ്രദ്ധയിലേക്കായി ഇടുന്നു:

യൂണിവേഴ്സല്‍ വര്‍ക്ക് പ്രിക്കോഷന്‍സ് (UWP) എന്ന പേരില്‍ ക്രോഡീകരിക്ക്കപ്പെട്ട ഒരു കൂട്ടം മുന്‍ കരുതലുകളുണ്ട് - ഏതൊരു ആതുരശുശ്രൂഷകനും രോഗികളെ പരിചരിക്കുമ്പോള്‍ സ്വീകരിച്ചിരിക്കേണ്ടുന്ന മുന്‍ കരുതലുകള്‍. ഈ മുന്‍ കരുതലുകള്‍ എയിഡ്സ് രോഗിക്കു മാത്രമല്ല, ആര്‍ക്ക് ശുശ്രൂഷ നല്‍കുമ്പോഴും സ്വീകരിച്ചിരിക്കേണ്ടവയാണ്.
അതില്‍ ഏറ്റവും പ്രധാനമായതും, എന്നാല്‍ നമ്മുടെ നാ‍ട്ടിലെവിടെയും പാലിക്കപ്പെടാത്തതുമായ ഒന്നാണ് രോഗികള്‍ക്ക് ഇഞ്ചക്ഷന്‍ കൊടുക്കുമ്പോഴോ, അവരുടെ ശരീരസ്രവങ്ങള്‍/രക്തം/ഓപ്പറേറ്റ് ചെയ്ത ഭാഗങ്ങള്‍/ കത്തി,സൂചി തുടങ്ങിയ സര്‍ജ്ജറി ഉപകരണങ്ങള്‍ കൈകാര്യം ചെയ്യുമ്പോഴോ ഒക്കെ കൈയ്യുറ ധരിച്ചിരിക്കണം എന്നത്.
ഇത് മൂന്നു കാരണങ്ങള്‍ കൊണ്ടാണ് പ്രധാനമായും ഇന്ത്യയില്‍ പാലിക്കപ്പെടാത്തത് :
1. ഇതിനെക്കുറിച്ച് ആശുപത്രി അധികൃതര്‍ക്കോ, ഡോക്ടര്‍മ്മാര്‍ക്കോ,
നേഴ്സിംഗ് സ്റ്റാഫിനോ ഒന്നും അറിയില്ല.
2. സാമ്പത്തിക പരാധീനത കാരണം disposable കൈയ്യുറകള്‍ ലഭ്യമല്ലാത്തത്.
(നമ്മുuടെ മെഡിക്കല്‍ കോളജുകള്‍, സര്‍ക്കാര്‍ ആശുപത്രികള്‍ തുടങ്ങിയിടങ്ങള്‍)
3. ശുശ്രൂഷ നല്‍കുന്നവരുടെ സൌകര്യം പ്രമാണിച്ച് അവര്‍ കാണിക്കുന്ന ഉപേക്ഷ.

ഇതില്‍ കൈയ്യുറ ധരിക്കാതെ രോഗിയെ പരിചരിക്കുന്നവരില്‍ നേഴ്സ് എന്നോ ഹൌ‍സ് സര്‍ജ്ജനെന്നോ സീനിയര്‍ ഡോക്ടറെന്നോ ഉള്ള വ്യത്യാസമില്ല. ഏതു വിഭാഗത്തില്‍ പെടുന്ന സ്റ്റാഫും കൈയ്യുറ ധരിക്കുന്നത് സാധാരണ ഓപ്പറേഷന്‍ തീയറ്ററിലോ, അല്ലെങ്കില്‍ കാഷ്വാലിറ്റി, ഇന്റന്‍സീവ് കെയര്‍ യൂണിറ്റിലോ അല്ലെങ്കില്‍ രോഗി വല്ലാതെ ബ്ലീഡ് ചെയ്യുന്ന അവസരങ്ങളിലോ ഒക്കെയാണ്.

ഒരു രോഗിക്ക് എയിഡ്സ്/HIV ബാധ ഉണ്ടെങ്കില്‍ അത് സാധാരണഗതിയില്‍ ഡോക്ടറും രോഗിയും മാത്രമേ അറിയുവാന്‍ പാടുള്ളൂ. മൂന്നാമതൊരാള്‍ - അതു മറ്റൊരു ഡോകടറായാലും ശരി വാര്‍ഡ് നേഴ്സായാലും ശരി, രോഗിയുടെ അടുത്ത ബന്ധുക്കളായാലും ശരി - അറിയാന്‍ പാടില്ല എന്ന് നിയമമുണ്ട്.

രോഗിയുടെ സമ്മതമില്ലാതെ മറ്റൊരാളെ ഈ രോഗവിവരം അറിയിക്കാന്‍ ചികിത്സിക്കുന്ന ഡോക്ടര്‍ക്ക് നിയമപരമായി അനുവാദമില്ല. അതുകൊണ്ടുതന്നെ കേസ് ഷീറ്റില്‍ HIV +ve എന്നൊനും വെണ്ടയ്ക്കാ അക്ഷരത്തില്‍ പണ്ട് എഴുതിയിരുന്നതു പോലെ ആരും ഇപ്പോള്‍ എഴുതാറില്ല. മിക്ക ആശുപത്രിയിലും (പ്രത്യേകിച്ച് മെഡിക്കല്‍ കോളെജുകളില്‍) നേഴ്സുമാരെയും മറ്റു സ്റ്റാഫിനെയും രോഗിയുടെ ഇന്‍ഫക്ഷന്‍ വിവരം രഹസ്യമായി ഡോക്ടര്‍മാര്‍ അറിയിക്കാറുണ്ട് എന്നല്ലാതെ ഒരു രോഗിയുടെ എയിഡ്സ് സ്റ്റാറ്റസ് പൊതുവേ ഗോപ്യമായി വയ്ക്കുക എന്നതാണ് നിയമം. (മെഡിക്കല്‍ കോണ്‍ഫിഡന്‍ഷ്യാലിറ്റി).

പിന്നെ,
എയിഡ്സ് ആതുരശുശ്രുഷകരിലേക്കു പകരുന്ന രീതികളില്‍ ഏറ്റവും പ്രധാനം രോഗിയെ കുത്തിവയ്ക്കുമ്പോഴോ, അവരുടെ രക്തം പരിശോധനയ്ക്കെടുക്കുമ്പോഴോ ശുശ്രൂഷകന്റെ/ശുശ്രൂഷകയുടെ കൈയ്യില്‍ ശ്രദ്ധക്കുറവു കൊണ്ട് സൂചിക്കുത്ത് കിട്ടുന്നതാണ് (needle stick injury). രോഗിയിലെ രക്തത്തിലെ അണുക്കള്‍ അങ്ങനെ നമ്മുടെ ശരീരത്തിലെത്തുന്നു. സാധാ‍രണ ഡ്രിപ്പ് കൊടുക്കുന്നതും ബ്ലഡ് എടുക്കുന്നതുമൊക്കെ നേഴ്സുമാരായതുകൊണ്ടാണ് അവരില്‍ ഇങ്ങനെയുള്ള സൂചിക്കുത്തുകള്‍ക്ക് സാധ്യത കൂടുതല്‍. അല്ലാതെ ഒരു രോഗിയും, ഒരു ഡോക്ടറും മന:പൂര്‍വം ഒരു നേഴ്സിനെയും നിര്‍ബന്ധിച്ച് എയിഡ്സ് രോഗിയാ‍ക്കുന്നതല്ല. മാത്രവുമല്ല ധാരാളം സര്‍ജ്ജന്‍മാര്‍ക്ക് ഓപ്പറെഷനിടയ്ക്കുള്ള ഇതുപോലുള്ള സൂചിക്കുത്തുകള്‍, കത്തികൊണ്ടുള്ള മുറിവുകള്‍,തയ്യല്‍ സൂചികൊണ്ടുള്ള കുത്തുകള്‍ എന്നിവ പറ്റാറുണ്ട്. അങ്ങനെ തന്റേതല്ലാത്ത കുറ്റത്താല്‍ രോഗിയായവര്‍ ഡോക്ടര്‍മാരുടെ ഇടയിലുമുണ്ട്. എയിഡ്സ് രോഗിയുമായി ഇടപഴകുന്നതുകൊണ്ടോ, അവരുടെ മെത്ത, ബെഡ് പാന്‍, പാത്രങ്ങ്ള്, ഭക്ഷണം എന്നിവയൊക്കെ കൈകാര്യം ചെയ്യുന്നതുകൊണ്ടോ, അവരുടെ ശരീരത്തില്‍തൊടുന്നതുകൊണ്ടോ ഒന്നും എയിഡ്സ് പകരുകില്ല.

ഡോക്ടര്‍മാരും നേഴ്സുമാരും മാത്രമല്ല, മെഡിക്കല്‍ വിദ്യാര്‍ത്ഥികള്‍, ഹൌസ് സര്‍ജ്ജന്മാര്‍, രക്തവും മാംസവുമൊക്കെയുള്ള ഹോസ്പിറ്റല്‍ വേയിസ്റ്റ് കൈകാര്യം ചെയ്യുന്നവര്‍ എന്നിവരൊക്കെ ഈ രീതിയില്‍ മുറിവു വന്ന് എച്ച്. ഐ.വി ബാധിക്കാന്‍ സാധ്യതയുള്ള കൂട്ടരാണ്. കൈയ്യുറകളെക്കുറിച്ചും മറ്റും ഇവര്‍ക്കിടയില്‍ അവബോധം ഉണ്ടാക്കുക എന്നത് അതുകൊണ്ടുതന്നെ പ്രധാനമാണ്.

പിന്നെ മറ്റൊരു കാര്യം:
അശോക് കര്‍ത്താ മാഷ് ഇവിടെ വളരെ ആധികാരിക മട്ടില്‍ എഴുതിയിരിക്കുന്നതു കണ്ടു, എയിഡ്സ് ഒരു medical bug ആണെന്നും അത് ആശുപത്രി-ജന്യ രോഗമാണ് എന്നുമൊക്കെ.

ആശുപത്രിയിലൂടെയൊന്നുമല്ല ലോകത്ത് 89% എയിഡ്സും പകരുന്നത്. മറിച്ച് എച്ച്.ഐ.വി ബാധയുള്ളവരുമായി ഉള്ള സുരക്ഷിതമല്ലാത്ത ലൈംഗിക ബന്ധം വഴിയാണ്. ഇതില്‍ തന്നെ 90%-വും സ്ത്രീ-പുരുഷ ലൈംഗിക ബന്ധം വഴിയാണ്. ആശുപത്രിയില്‍ ഞാന്‍ നേരത്തെ പറഞ്ഞ രീതികളില്‍ കൂടിയും, പിന്നെ രോഗിയായ ഒരാളില്‍ നിന്നും അത് അറിയാതെ രക്തം സ്വീകരിക്കുന്നതിലൂടെയുമാണ് ഇതു പകരുക. കോണ്ടം വ്യപകമായി ഉപയോഗിച്ചു തുടങ്ങിയ നാടുകളിലെല്ലാം പുതുതായി ഉണ്ടാകുന്ന എയിഡ്സ് രോഗികളുടെ എണ്ണം വളരെ വേഗം താഴ്ന്നു തുടങ്ങിയിട്ടുണ്ട്.
മള്‍ട്ടി-സ്പെഷ്യല്‍റ്റി/സൂപ്പര്‍ സ്പെഷ്യല്‍റ്റി ആശുപത്രികളില്‍ വി.ഐ.പി രോഗികളെ നേഴ്സുമാര്‍ കൈയ്യുറയിട്ടുകൊണ്ട് പരിചരിക്കാന്‍ പാടില്ല എന്ന് ഒരിടത്തും നിഷ്കര്‍ഷയുള്ളതായി അറിയില്ല. ഇനി എവിടെയെങ്കിലും അത്തരമൊരു തെണ്ടിത്തരം നടക്കുന്നുണ്ടെങ്കില്‍ അതു അടികൊടുക്കേണ്ട കേസാണ്. കാരണം, സുരക്ഷിതമായ ചുറ്റുപാടുകളില്‍ ജോലിചെയ്യാനുള്ള മെഡിക്കല്‍ ജീവനക്കാരുടെ അവകാശത്തെയാണ് അത്തരം നിഷ്കര്‍ഷകള്‍ ചോദ്യം ചെയ്യുന്നത് . അത്തരം പ്രവണതകളുണ്ടെങ്കില്‍ അതിനെതിരേ സമൂഹം പ്രതികരിക്കുക തന്നെവേണം.

25 comments:

  1. രക്താതിസമ്മര്‍ദത്തിന്റെ രണ്ടാം ഭാഗം ഇടാന്‍ തുടങ്ങുമ്പോഴാണ് അശോക് കര്‍ത്താ മാഷിന്റെ ലേഖനം കണ്ടത്. അദ്ദേഹം ഒരു പത്രവാര്‍ത്തയെ മുന്‍ നിര്‍ത്തി ഈ പോസ്റ്റില്‍ എഴുതിയ കാര്യങ്ങള്‍ സദുദ്ദേശപരമെങ്കിലും, അത് എയിഡ്സിനെക്കുറിച്ച് പല ഗുരുതരമായ തെറ്റിദ്ധാരണകളും പരത്തിയേക്കാം എന്നതിനാല്‍ ആ പോസ്റ്റില്‍ ഇടാനായി എഴുതിയ കമന്റ് ബൂലോകത്തിനു വേണ്ടി ഇവിടെ ഒരു പോസ്റ്റായിത്തന്നെ ഇടുന്നു

    ReplyDelete
  2. Dear Dr.Sooraj

    അക്ഷരക്കഷായം ബ്ലോഗില്‍ തന്നെ ഇങ്ങനൊരു പോസ്റ്റിട്ട പാരമ്പര്യതീവ്രവാദിയാണ് അശോക് കര്‍ത്ത ---
    "നിങ്ങള്‍ പഠിച്ചിരിക്കുന്ന വിദ്യാഭ്യാസം വച്ച്‌ വൈറസ്സും ബാക്ടീരിയയും ഒക്കെയാണു രോഗങ്ങള്‍ ഉണ്ടാക്കുന്നത്‌. 200 വര്‍ഷമായി ലോകം മുഴുവനുള്ള പഠനവും നടക്കുന്നതു ഈ വഷിക്കാണു. അണുജീവികളെ കണ്ടുപിടിച്ച്‌ അതിനെ ഇല്ലായ്മ ചെയ്യാനുള്ള മരുന്ന് ഉണ്ടാക്കുക. അതു രോഗിക്ക്‌ കൊടുത്തിട്ട്‌ അസുഖം മാറുമെന്ന് വിചാരിച്ചിരിക്കുക.ഇതാണു ഇന്ന് കാണുന്ന ചികിത്സ. ഇവിടെ ആയുര്‍വേദമേയുള്ളു. ആയുര്‍വേദത്തിലെ അടിസ്ധാന ചികിത്സ പ്രായശ്ചിത്തമാണു.പൂര്‍വ്വജന്മ പാപങ്ങള്‍ ആണു രോഗമാകുന്നതു. അതു പ്രായശ്ചിത്തം കൊണ്ടേ മാറൂ. അതിനു മരിയാദയുള്ള ജീവിതം നയിക്കണം." എന്ന് !!!!

    ഇപ്പോള്‍ നേഴ്സുമാര്‍ക്ക് എയിഡ്സ് വന്നത് ആശുപത്രി-ജന്യ രോഗാണുവില്‍ നിന്നാണെന്ന് പറഞ്ഞ് മുതലക്കണീരൊഴുക്കുന്ന കര്‍ത്തായ്ക്ക് ഏതു വിധേനെയും മെഡിക്കല്‍ സയന്‍സിനെയും ആധുനിക ശാസ്ത്രത്തെയും താറടിക്കണമെന്നേയുള്ളൂ.

    ഇങ്ങേരുടെ തത്വപ്രകാരമാണെങ്കില്‍ ആ നാലു നേഴ്സുമാര്‍ ഒന്നുകില്‍ "പൂര്‍വജന്മ പാപികള്‍" അല്ലെങ്കില്‍ "മര്യാദയ്ക്കു ജീവിക്കാത്തവര്‍" ! എപ്പടി മുതലക്കണ്ണീര്‍ ??

    ഒരു രോഗിയേപ്പോലും ചികിത്സിക്കാത്ത, ഒരു രോഗലക്ഷണം പോലും ഡയഗ്നോസ് ചെയ്യാന്‍ അറിയാത്ത, ഒരു ശസ്ത്രക്രിയ നേരിട്ട് കണ്ടിട്ടുകൂടിയില്ലാത്ത അശോക് കര്‍ത്തയെപ്പോലുള്ള് ഇത്തരം വ്യാജവൈദ്യന്മാര്‍ പ്രചരിപ്പിക്കുന്ന മണ്ടന്‍ മെഡിക്കല്‍ സിദ്ധാന്തങ്ങളെ താങ്കളെപ്പോലുള്ള അറിവുള്ളവര്‍ ബൂലോകത്ത് തുറന്നുകാണിക്കുന്നുണ്ടല്ലോ. വളരെ വലിയൊരു കാര്യമാണ് അത്. ഇല്ലെങ്കില്‍ ഇങ്ങേര്‍ പറഞ്ഞിരുന്ന അറുവിഡ്ഢിത്തങ്ങള്‍ തൊള്ളതൊടാതെ വിഴുങ്ങിയിരുന്നവര്‍ ഒത്തിരിയുണ്ട് ഇവിടെ. അക്ഷരക്കഷാ‍യത്തിലെ പഴയ പോസ്റ്റുകളും കമന്റുകളും ഒന്നു വായിച്ചു നോക്കൂ. അപ്പോള്‍ അറിയാം.

    ReplyDelete
  3. അശോക് കര്‍ത്തയുടെ പോസ്റ്റുകള്‍ വാ‍യിച്ച് അതിന് മര്യാദ കൊടുത്ത് സൂരജ് ഡോക്റ്റര്‍ കമന്റ് എഴുതുന്നതും പോസ്റ്റുന്നതും ദയവ് ചെയ്ത് നിര്‍ത്തണം . അയാള്‍ക്ക് മോഡേണ്‍ മെഡിസിന്‍ പ്രാക്റ്റീസ് ചെയ്യുന്ന ഡോക്റ്റര്‍മരെയും ആശുപത്രികളെയും അപമാനിക്കണമെന്ന ഒറ്റ ഉദ്ദേശമേയുള്ളൂ . അയാള്‍ ഒന്നുകില്‍ ഒറ്റപ്പെട്ട സംഭവം എടുത്ത് കാട്ടി സാമാന്യവല്‍ക്കരിക്കുന്നു ,അല്ലെങ്കില്‍ ഭാവനയില്‍ നിന്ന് എടുത്തെഴുതുന്നു . കൃത്യമായി മാറാന്‍ കയ്യുറകള്‍ പോലും അവിടെ നല്‍കാറില്ലെന്ന് പരാതിയുണ്ട്‌. കയ്യുറകള്‍ അണിഞ്ഞ്‌ വി.ഐ.പികളെ പരിചരിക്കുന്നത്‌ അവര്‍ക്ക്‌ ഇഷ്ടമല്ലത്രെ! ആശുപത്രി ജീവനക്കാരുടെ സുരക്ഷിതത്ത്വത്തേക്കള്‍ മാനേജുമെന്റിനു ആവശ്യം വി.ഐ.പികളുടെ മാനസികോല്ലാസമാണല്ലോ എത്ര ദുരുദ്ദേശപൂര്‍ണ്ണമാണ് ഈ വാചകങ്ങള്‍ എന്ന് നോക്കുക . ഇപ്പോള്‍ മാന്യന്മാര്‍ ഒന്നും അയാളുടെ പോസ്റ്റുകള്‍ വായിക്കാറില്ല . എയിഡ്‌സിനെ പറ്റി എഴുതാന്‍ സൂരജ് ഡോക്റ്റര്‍ക്ക് ഇപ്രകാരം ഒരു പ്രേരണ വേണോ ? അയാളെ അവഗണിക്കുന്നതാണ് ഉചിതം . റെവല്യൂഷന്‍സ് പറഞ്ഞത് പോലെ അയാളുടെ പഴയ പോസ്റ്റുകള്‍ വായിച്ചാല്‍ അയാളെക്കുറിച്ച് അറിയാന്‍ കഴിയും . ആരെയെങ്കിലും ചുരണ്ടിക്കൊണ്ടിരിക്കുക അയാ‍ളുടെ ഹോബിയാണത്രേ . എല്ലാവരേയും ജീ എന്നും മാഷേ എന്നുമൊക്കെ ബഹുമാനിക്കുന്നത് നല്ലത് തന്നെ . പക്ഷെ ഇത്തരമൊരാളെ ബഹുമാനിക്കുമ്പോള്‍ സ്വയം അല്പം താഴുന്നുണ്ട് .

    ReplyDelete
  4. നന്ദി സൂരജ്..

    എയ്‌ഡ്സ് രോഗാണുവിനു സോപ്പുവെള്ളത്തെപ്പോലും അതിജീവിക്കാനുള്ള കഴിവില്ലെന്ന് ഡോ.വാരിയര്‍ ദേശാഭിമാനിയില്‍ എഴുതുന്ന ഓര്‍മ്മക്കുറിപ്പില്‍ എഴുതിയത് ഓര്‍മ്മ വരുന്നു..ആവശ്യത്തില്‍ കൂടുതല്‍ ഭീതി ആ രോഗത്തെക്കുറിച്ച് വളര്‍ത്തപ്പെടുന്നുണ്ടോ?

    ReplyDelete
  5. വിശേഷിച്ച് ഒരു പ്രയോജനവും ഉണ്ടായില്ലല്ലോ സൂരജേ. ആശുപത്രി ജന്യ രോഗത്തേക്കുറിച്ച് പറഞ്ഞീടത്തെങ്ങും എയിഡ്‌സിനെപ്പറ്റി ഞാന്‍ പറഞ്ഞില്ലല്ലോ. താങ്കള്‍ അത് വിദഗ്ദമായി കൂട്ടിയിണക്കി വെള്ളം കലക്കിയ ചെന്നായ ആയി മാറുന്നത് കണ്ടപ്പോള്‍ രസം തോന്നി. എയിഡ്‌‌സ് ഒരു ആശുപത്രി ജന്യ രോഗമായി മാറിക്കൂടെന്നില്ല. ഹ..ഹാ

    ReplyDelete
  6. Dear Dr Sooraj,



    അശോക് കര്‍ത്ത എന്ന പ്രതിലോമകാരിയായ ബ്ലോഗറുടെ പോസ്റ്റുകള്‍ക്ക് താങ്കള്‍ ഇത്രകണ്ട് ബഹുമാനം കൊടുത്തെഴുതുന്നത് കാണുമ്പോള്‍ നമ്മുടെ ശാസ്ത്ര വിദ്യാര്‍ത്ഥികളെക്കുറിച്ച് വല്ലാത്ത അഭിമാനം തോന്നുന്നു. സുരേഷ് പറഞ്ഞതു പോലെ അയാ‍ള്‍ടെ പിച്ചിനും പേയ്ക്കും ഒരു കാലത്ത് ഇവിടെ പ്രതിലോമകാരികളായ ചില ആരാധകരുണ്ടായിരുന്നു. ഇന്ന് അയാള്‍ടെ വാക്കുകള്‍ക്ക് ആരും പുല്ലു വില കല്‍പ്പിക്കുന്നില്ല.

    അങ്ങേരുടെ ചില അറുവിഡ്ഢിത്തങ്ങള്‍ കേട്ടാല്‍ സയന്‍സിന്റെ ഏ.ബി.സി.ഡി അറിയാവുന്നവര്‍ ചിരിച്ചു ചാകും.
    ഒരു വശത്ത് അങ്ങോര്‍ ആയുര്‍വേദത്തിലും വേദങ്ങളിലുമൊക്കെ ആധുനിക സയസ്ന്‍ മുഴുവന്‍ ഉണ്ടെന്നും ശാസ്ത്രജ്ഞന്‍മാര്‍ റിസേര്‍ച്ച് എന്നും ഗവേഷണ പ്രബന്ധമെന്നുമൊക്കെ പറഞ്ഞ് സമയവും പണവും കളയുകയാണ് എന്നും പറഞ്ഞുകൊണ്ടേയിരിക്കുന്നു. എന്നാല്‍ മറുവശത്തോ ? ഈ പരമ്പര്യവൈദ്യത്തിലും ആയുര്‍വേദത്തിലും പഴമ്പുരാണത്തിലുമൊക്കെ ഉണ്ടെന്ന് പറയുന്ന വസ്തുതകള്‍ വിശദീകരിക്കാന്‍ അങ്ങോര്‍ക്ക് ആധുനിക ശാസ്ത്രം തന്നെ വേണം താനും !

    (പിറ്റ്യൂട്ടറി ഗ്രന്ഥിയെ എടുത്ത് അങ്ങേര്‍ ആര്‍ത്തവ സമയത്തെ bilogical clock വര്‍ണ്ണിക്കുന്നത് നോക്കൂ. പിറ്റ്യൂട്ടറി ഗ്രന്ഥിയെന്താ പിനീയല്‍ ഗ്രന്ഥിയെന്താ എന്ന് മൂപ്പര്‍ക്കറിഞ്ഞുകൂടാ എന്നത് വേറേ കാര്യം ! പിന്നെ Magnetic Resonance Imaging-നെ പിടിച്ച് ക്യാന്‍സര്‍കാരിയാക്കാനുള്ള ഉത്സാഹം നോക്കൂ. അതും ഐന്‍സ്റ്റൈനേയും ഹൈസന്‍ ബെര്‍ഗിനെയും പിടിച്ചാണ് ആണയിടല്‍! അവര്‍ പറഞ്ഞതെന്ത് ഇങ്ങേര്‍ വ്യാഖ്യാനിക്കുനതെന്ത്. ഹൈസന്‍ ബെര്‍ഗ് ഒരു പരീക്ഷണം നടത്തി അണ്‍സേട്ടനിറ്റി പ്രിണ്‍സിപ്പിള്‍ കണ്ടു പിടിച്ചെന്ന് എഴുതിയേക്കുന്നത് കണ്ടോ?! ഇതൊപോലെത്തന്നെ മൈക്രോവേവ് ഓവന്‍ പോളിമെറേയ്സ് ചെയിന്‍ റിയാക്ഷന്‍ ഉണ്ടാക്കുമെന്ന വിഡ്ഢിത്തവും.)

    എപ്പടി ? ഈ ശാസ്ത്രം??ഹി ഹി ഹി ഹി!!!

    വളരെ Tactful ആയിട്ടാണ് അങ്ങോരുടെ ചോദ്യവും അതിനു സ്വയം ശാസ്ത്രജ്ഞന്‍ ചമഞ്ഞുള്ള ഉത്തരം കണ്ടെത്തലും. Vague ആയി എന്തൊക്കെയോ പുലമ്പിയിട്ട് ഒരുതരം Sacre e-Mail ടാക്ടിക്സ് ആണ് അയാള്‍ കളിക്കുന്നത്. താങ്കള്‍ അങ്ങനെയല്ല എന്നുപറഞ്ഞാല്‍ ഉടന്‍ അങ്ങോര്‍ ഇങ്ങനെയല്ലേ എന്ന് പ്ലേറ്റ് മാറ്റും. ചക്കിനു ചുക്ക് എന്ന മട്ടില്‍ ഒരുതരം പൊടിപടലമുയര്‍ത്തല്‍ അല്ലാതെ കഴമ്പൊന്നുമില്ല.

    താഴെ കര്‍ത്തയുടെ ശാസ്ത്ര വിഡ്ഢിത്തങ്ങളുടെ ഉദാഹരണങ്ങള്‍ കൊടുക്കുന്നു. (ഇത് ബ്ലോഗ്ഗിള്‍ എന്ന ബ്ലോഗ്ഗര്‍ മുന്‍പ് അശോക് കര്‍ത്തയുടെ ബ്ലോഗിലിട്ട കമന്റില്‍ നിന്നും ശേഖരിച്ചതാണ്. ഒറിജിനല്‍ കമന്റുകള്‍ കര്‍ത്തയുടെ പോസ്റ്റുകളില്‍ തന്നെ ഉണ്ട്.

    **********
    strong magnetic field 'pulls' on particles called protons which are within the hydrogen atoms. All the protons line up in parallel to the magnetic field.
    അപ്പോള്‍ ഒരു MRI നല്‍കുന്നത് ഒരു പുനര്‍ക്രമീകരിച്ച ചിത്രമായിരിക്കുകയില്ലെ? എന്തായാലും അതിനു രോഗാവസ്ഥയിലുള്ള യഥാര്‍ത്ഥ ചിത്രമാവാന്‍ കഴിയുമോ? തല്‍ക്കാലം ഇതൊരു കുസൃതിച്ചോദ്യമായെടുത്താല്‍ മതി. ഒന്നു കൂടിയുണ്ട് apply ചെയ്ത field ഉപസംഹരിക്കുമ്പോള്‍ പ്രോട്ടോണുകള്‍ പഴയ energy state ലേക്ക് തിരികെ പോകുന്നുണ്ടോ? ആല്‍ബര്‍ട്ട് ഐന്‍സ്റ്റൈനേപ്പോലുള്ളവര്‍ക്ക് പണ്ട് തന്നെ ഇക്കാര്യത്തില്‍ സംശയമുണ്ടായ്യിരുന്നു. ഹൈസന്‍ ബര്‍ഗ്ഗ് ഒരു പരീക്ഷണം നടത്തിയപ്പോള്‍ ഒരേ സമയം ഒരു കണീകയുടെ പ്രവേഗവും ദിശയും നിര്‍ണ്ണയിക്കാനാവില്ല എന്ന് കണ്ടെത്തി. അപ്പോള്‍ ഉപയോഗിക്കപ്പെടുന്ന കാന്തതലം സൂക്ഷ്മാശംത്തില്‍ എന്തൊക്കെ മാറ്റങ്ങള്‍ ഉണ്ടാക്കുന്നുണ്ടാക്കും? കാന്‍സര്‍ ലൊക്കേറ്റ് ചെയ്യാന്‍ ഒരു MRI എടുക്കുമ്പോള്‍ ലൊക്കേഷനു തൊട്ടടുത്തുള്ള കോശങ്ങളേക്കൂടി അതു കാന്‍സറസാക്കുമോ? ക്രമീകരണം കാന്‍സര്‍ ഇല്ലാതിരുന്ന കോശങ്ങളില്‍ക്കൂടി കാന്‍സര്‍ ഉണ്ടാക്കാന്‍ ഒരു സന്ദേശം കൊടുക്കുമോ?
    ---------------------------------
    പണ്ട് നമ്മുടെ നാട്ടില്‍ "തീണ്ടാരിപ്പുര/മറപ്പുര" എന്നീ പേരുകളില്‍ ആര്‍ത്തവ സമയത്ത് സ്ത്രീകള്‍ക്ക് മാറിത്താമസ്സിക്കാനായി അല്‍പ്പം ഇരുളടഞ്ഞ മുറികള്‍ ഉണ്ടായിരുന്നു. ഫെമിനിസം,ജോലിത്തിരക്ക്,അണുകുടുംബം എന്നീ കാരണങ്ങളാല്‍ നമുക്കത് നഷ്ടമായി. 4 വര്‍ഷം മുമ്പ് കല്‍ക്കത്താ യൂണിവേഴ്സിറ്റിയുടെ ഒരു പഠനം വെളിവാക്കുന്നത് മനുഷ്യരുടെ "ജെനിറ്റിക്കല്‍ ക്ലോക്ക്" ചന്ദ്രമാസവുമായി ബന്ധപ്പെട്ടിരിക്കുന്നു. (ആസ്ത്മാ,ആര്‍ത്തവം എന്നിവ നോക്കുക). ചന്ദ്രമാസത്ത്നനുസൃതമായി ഉള്ള ശാരീരികക്രമീകരണങ്ങള്‍ ആര്‍ത്തവം വരെ എത്തുന്നു. എന്നാല്‍ ആര്‍ത്തവം തുടങ്ങിയാല്‍ സ്ത്രീകള്‍ തീണ്ടാരിപ്പുരകളിലേയ്ക്ക് മാറ്റപ്പെടുകയും , നേര്‍ത്ത വെളിച്ചത്തില്‍ കഴിയേണ്ടതായും വരുന്നു. ഇത് "പിറ്റൂറ്ററി ഗ്രന്ഥി"യെ ബാധിക്കുകയും, "ജെനിറ്റിക്കല്‍ ക്ലോക്ക്" താല്‍ക്കാലികമായെങ്കിലും വ്യതിചലിക്കപ്പെടുകയും, ഇത് അമിത രക്തസ്രാവം തടയുകയും ചെയ്യുന്നു. മാത്രമല്ലാ ഹൈജീനിക്കായും, ടെന്‍ഷന്‍ റിലാക്സേഷന്‍ നടത്താനും, ഭാരിച്ച ജോലികളില്‍ നിന്ന് ഒഴിഞ്ഞ് നില്‍കാനും ഈ സിസ്റ്റം സഹായിച്ചിരുന്നു.
    -----------------------------------
    അന്ന് സ്ത്രീകള്‍ക്കു പ്രഷറോ, ഹാര്‍ട്ടോ, ഷുഗറോ, കാന്‍സറോ ഉള്ളതായി കാണുന്നില്ല. ഈ 80ഉം90ഉം ആയിക്കഴിഞ്ഞാലും ബ്രസ്റ്റൊക്കെ തൂങ്ങിക്കിടക്കും എന്നല്ലാതെ അതിലെങ്ങും ഒരു മുഴയില്ല. ഇന്നു ഇക്കണ്ട മരുന്നൊക്കെ കഴിച്ചും ഇടവിടാതെ പരിശോധന ചെയ്തിട്ടും 80% സ്ത്രീകളിലും ഒരു ബ്രസ്ട് അല്ലെങ്കില് രണ്ടും നീക്കം ചെയ്യണം എന്നാണു സ്ധിതി..വേറെയുമുണ്ട് അസുഖങ്ങള്...സെര്‍വ്വിക്സില് കാന്‍സര്....യൂട്രസ്സില് കാന്‍സര്...ഓവറിയില് കാന്‍സര്....35 കഴിയുമ്പോഴേക്കും സ്ത്രീ കുറ്റിയറ്റു പോവുകയാണു കേരളത്തില്......
    -----------------------------------
    അക്ഷരങ്ങളിലെ/ദൃശ്യങ്ങളിലെ/ശബ്ദത്തിലെ 'ഇക്കിളി' ഗൂഢമായ ഒരു information packet ആണു. അത്തരം ഒരു ന്യൂസ് സ്റ്റോറി ഉള്ളിലേക്ക് കടന്ന് ചെന്നാല് നാം അറിയാതെ അതില് നിന്നും ലൈംഗിക സിഗ്നലുകള് പുറപ്പെടും.
    വായിച്ച/കണ്ട/കേട്ട ആ 'കഥ' മുഴുവന് തലച്ചോറിനുള്ളില് പ്ലേ ചെയ്യപ്പെടും.
    തലച്ചോര് അതിനനുസരിച്ച് വിദ്യുത് തരംഗങ്ങള് പുറപ്പെടുവിക്കുന്നു.
    തുടര്‍ന്ന് ഒരു സ്വപ്നലോകമുണ്ടാകുന്നു. കണ്ണു തുറന്നു കൊണ്ട് കാണുന്ന സ്വപ്ന ലോകം!
    മറ്റൊരാളുടെ അനുഭവം സ്വന്തം ഓജസ്സ് കൊണ്ട് പുനര് നിര്‍മ്മിച്ച് നാം അതില് രമിക്കുന്നു.
    അതിലെ കഥാപാത്രങ്ങളായി നാം സ്വയമറിയാതെ വേഷം മാറുന്നു.
    മന്ത്രിയും തന്ത്രിയുമാകുന്നു.
    അവര് ചെയ്തതതും ചെയ്യാവുന്നതും ചെയ്യേണ്ടതും നാം ഭാവനയില് അനുഭവിക്കുന്നു.
    വാര്‍ത്തയിലൂടെ കടന്ന് പോകുന്ന നേരമത്രയും ഇതൊക്കെ യാഥാര്‍ത്ഥ്യമായാണു മനസ്സ് സങ്കല്‍പിക്കുന്നത്. ഫലമോ ഗ്രന്ഥികള് ഒക്കെ ഉണര്‍ന്ന് സ്രവങ്ങള് ഒഴുകും. ശരീരത്തില് ഒരുപാട് രാസമാറ്റങ്ങള് ഉണ്ടാകും. രക്തചംക്രമണം കൂടുന്നു. മൂക്കിലും തൊണ്ടയിലും കഫം നിറയുന്നു. അന്തരംഗം സൃഷ്ടിക്ക് സജ്ജമാകുന്നു. ഹോര്‍മ്മോണുകളും ബീജാണ്ഡങ്ങളും പുറപ്പെടുന്നു. ഇതൊക്കെ നാം അറിയാതെ സംഭവിക്കുന്ന കാര്യങ്ങളാണു.
    -----------------------------------
    വസൂരി നിര്‍മ്മാര്‍ജ്ജനം ചെയ്തു എന്നാരാ താങ്കളെ തെറ്റിദ്ധൈര്‍പ്പിച്ചിരിക്കുന്നത്? ഇപ്പോ അതു വന്നാലും ചിക്കന് പോക്സ് എന്നേ പറയൂ. അതു പോലുള്ള രോഗങ്ങള്‍ക്ക് മാരി എന്നാ പണ്ടുള്ളവര് പറയുക. അതിനു കാരണവും പറഞ്ഞിട്ടുണ്ട്. കാല ദോഷം! അതായത് പ്രകൃതിയുടെ അസന്തുലനം. മനുഷ്യന് പ്രകൃതിയേ insult ചെയ്യുന്നത് മാരികളിലാണു അവസാനിക്കുക.
    -----------------------------------ആരോഗ്യരംഗത്ത് തികച്ചും അപൂര്‍ണ്ണമായ ആധുനിക വൈദ്യത്തോട് മിതമായ മതിപ്പേ ലേഖകനുള്ളു. കാരണം 30 വര്‍ഷത്തിനിടയില് ആ രംഗത്ത് വൈദ്യശാസ്ത്രത്തിന്റേതായ ഒരു മുന്നേറ്റവും ഉണ്ടായതായി കാണുന്നില്ല. നാം കേള്‍ക്കുന്നതൊക്കേയും ഫിസിക്സിന്റേയും കെമിസ്റ്റ്രിയുടേയും എഞ്ചിനിയറിങ്ങിന്റേയും നേട്ടങ്ങളാണു
    -----------------------------------

    പിന്നെ ഇങ്ങേരുടെ പ്രൊഫൈല്‍ ഡോ.സൂരജ് ഒന്നെടുത്ത് വായിക്കുന്നത് നന്നായിരിക്കും. മൂപ്പരുടെ ഹോബി തന്നെ ആരെയെങ്കിലും ചുരണ്ടിക്കൊണ്ടിരിക്കുക എന്നതാണ്!
    സൂരജിന്റെ ബ്ലോഗില്‍ വന്ന് തവളകളുടെ കാര്‍ഡിയോഗ്രാം പോസ്റ്റില്‍ ഇങ്ങേര്‍ കമന്റിട്ടു തുടങ്ങിയപ്പോഴേ അറിയാമായിരുന്നു, ഇത് അങ്ങോരുടെ വിസ്മൃതമായ പഴമ്പുരാണ പോസ്റ്റിലേക്ക് ആളെക്കൂട്ടാനുള്ള പരിപാടിയാണെന്ന്. നെഗറ്റീവ് പബ്ലിസിറ്റിയാണ് ഉദ്ദേശം. അതിനു ദയവായി നിന്നു കൊടുക്കരുതേ എന്ന് അപേക്ഷ.
    ശാസ്ത്രത്തിന്റെ അത്ഭുതാനാവരണം തുടരുക. ബൂലോകം കൂടെയുണ്ട്.

    ReplyDelete
  7. Dr Sooraj,

    നോക്കൂ മുന്‍പത്തെ കമന്റില്‍ തന്ന മുന്നറിയിപ്പു എത്ര സത്യമായെന്ന്.
    കര്‍ത്ത എഴുതിയത് കണ്ടോ ?

    വിശേഷിച്ച് ഒരു പ്രയോജനവും ഉണ്ടായില്ലല്ലോ സൂരജേ. ആശുപത്രി ജന്യ രോഗത്തേക്കുറിച്ച് പറഞ്ഞീടത്തെങ്ങും എയിഡ്‌സിനെപ്പറ്റി ഞാന്‍ പറഞ്ഞില്ലല്ലോ. താങ്കള്‍ അത് വിദഗ്ദമായി കൂട്ടിയിണക്കി വെള്ളം കലക്കിയ ചെന്നായ ആയി മാറുന്നത് കണ്ടപ്പോള്‍ രസം തോന്നി. എയിഡ്‌‌സ് ഒരു ആശുപത്രി ജന്യ രോഗമായി മാറിക്കൂടെന്നില്ല. ഹ..ഹാ

    അവസാനത്തെ വാചകം വായിച്ചോ ? ഇതാണ് സ്റ്റൈലന്‍ പ്ലേറ്റ് മറിക്കല്‍!

    അങ്ങേര്‍ അച്ചരക്കശായം ബ്ലോഗില്‍ എഴുതിയ പാരഗ്രാഫ് നോക്കിയേ ---
    “ആശുപത്രി-ജന്യ രോഗമാണു പ്രതി. അമേരിക്കയിലും യൂറോപ്പിലും ഡോക്ടറന്മാര്‍ക്കും പാരാമെഡിക്കല്‍ തൊഴിലാളികള്‍ക്കുമിടയില്‍ ഭീതി പരത്തിക്കൊണ്ടിരിക്കുന്ന Medical Bug! ഇവനാളു പുലിയാണു കേട്ടാ....രോഗം ചികിത്സിച്ച്‌ ഭേദമാക്കണ്ട ആശുപത്രിയില്‍ നിന്ന് രോഗം പകരും. പാശ്ചാത്യനു രോഗത്തെ പേടിയാണു. ഇതുകൊണ്ടാണു രോഗികളെ പരിചരിക്കാന്‍ മൂന്നാം ലോകത്തില്‍ നിന്ന് ചരക്കുകളെ അവര്‍ ഇറക്കുമതി ചെയ്യുന്നത്‌. ഇന്ത്യാക്കാരനും പാക്കിസ്ഥാനിയും ശ്രീലങ്കക്കാരനും വന്ന് എന്തു രോഗം വേണമെങ്കിലും ഏറ്റുപിടിച്ചോട്ടെ!! ഉള്ള കാശങ്ങ്‌ കൊടുത്തേക്കാം. എമിഗ്രേഷന്‍ നിയമത്തിലും ഇളവുവരുത്താം. നമുക്ക്‌ വയ്യേ, വയ്യ! കാനഡ, ബ്രിട്ടന്‍, ആസ്ത്രേലിയ തുടങ്ങിയ സ്ഥലങ്ങളിലേക്ക്‌ ഇന്ത്യയില്‍ നിന്നും നഴ്സുമാരുടെ കുത്തിയൊഴുക്കിനു ഒരു കാരണം ഇതാണു.”----- ആശുപത്രിയില്‍ നിന്നും നേഴ്സുമാര്‍ക്ക് എയിഡ്സ് ബാധിച്ചുവെന്ന വാര്‍ത്തയെക്കുറിച്ച് ഘോരഘോരം പ്രസംഗിച്ചിട്ട് അതിനിടയില്‍ തിരുകിവച്ച പാരഗ്രാഫാണ് ഇത്. വായിക്കുന്നവന്‍ എങ്ങനെ ധരിച്ചാലെന്ത്. കര്‍ത്തായ്ക്ക് അലോപ്പൊതിയെ പൊതിക്കണം. അത്ര തന്നെ.
    പറഞ്ഞുവന്നതപ്പടി പൊട്ടത്തരമാണെന്ന് ആരെങ്കിലും ആധികാരികമായി ചൂണ്ടിക്കാണിച്ചാല്‍ മൂപ്പര്‍ ഉടന്‍ കളറു മാറും. ഞാനങ്ങനെ പറഞ്ഞില്ലല്ലോ, ഞാന്‍ ഇങ്ങനെയല്ലേ പറഞ്ഞത്, വെള്ളം കലക്കുന്നതെന്തിന് എന്നൊക്കെ!

    ഹി ഹി ഹി!!! ഇതിനൊന്നും മറുപടി പോലും കൊടുക്കേണ്ടായിരുന്നു എന്ന് തോന്നുന്നില്ലേ ?

    ReplyDelete
  8. സൂരജ്,

    ലേഖനത്തിന് നന്ദി. ശ്രീ. കര്‍ത്തായുടെ പോസ്റ്റും വായിച്ചു. അതില്‍ പറഞ്ഞിരിക്കുന്ന കാര്യങ്ങള്‍ എച്ച് ഐ വിയെ കുറിച്ച് തെറ്റിദ്ധാരണ പരത്തുമെന്നുള്ളതില്‍് സംശയം ഒന്നും ഇല്ല.

    ഇന്ന് ഓര്‍ക്കുട്ടില്‍ എച്ച് ഐ വി യെ കുറിച്ചുള്ള ചില കമ്മ്യൂണിറ്റികളില്‍ കയറി നോക്കി. അത്ഭുതപ്പെട്ടു. പലതിലും സിദ്ധ ആയുര്‍വേദ ആചാര്യന്മാര്‍ കയ്യടക്കി വച്ചിരിക്കുന്നു. വിരണ്ടു നടക്കുന്ന ചെറുപ്പക്കാര്‍ക്ക് വിദഗ്ദ്ധോപദേശങ്ങള്‍ കൊടുക്കുന്നു. ഒരെണ്ണം ശ്രദ്ധിക്കൂ:
    " aids is curable through sidhhayog:
    It is very simple to practice but highly result oriented. It is based on a combination of daily 15- minute meditation and regular chanting of a potent mantra given by Gurudev. Here, the practitioner's background¡Xwhether he is rich or poor, high caste or low caste, educated or illiterate, man or woman, Hindu or non-Hindu, Indian or foreigner¡Xdoesn't matter. The practitioner doesn't have to pay for receiving Gurudev's blessings nor does. Guru-dakshina (offering to Guru) offered willingly by a person initiated into Siddha Yoga as disciple is accepted gracefully, but no guidelines or instructions are given by Gurudev in this regard. "
    ഹാഹഹ എന്തൊരു പുണ്യ പ്രവൃത്തി! പോരായോ.

    ലേഖനത്തില്‍ കുറച്ചുകൂടി വിവരങ്ങള്‍ ഉള്‍പ്പെടുത്തിയാല്‍ നന്നെന്ന് തോന്നി:

    1. Post exposure prophylaxis (PEP): വികസിത രാജ്യങ്ങളില്‍ പ്രത്യേകിച്ചും ആശുപത്രി ജന്യ എച്ച് ഐ വി ബാധ തടയുന്നതിന് ഇത് നിര്‍ബന്ധമായും ഉപയോഗിക്കുന്നു. needle stick injury ഉണ്ടായി 72 മണിക്കൂറിനകം ഡോക്ടറുടെ നിര്‍ദ്ദേശ പ്രകാരം 30 ദിവസത്തോളം antiretrovirals കഴിച്ചാല്‍ എച്ച് ഐ വി ബാധ പു‌ര്‍ണമായും ഒഴിവാക്കാം എന്ന് തെളിയിക്കപ്പെട്ടിട്ടുണ്ട്. ഇന്ത്യയിലും ഇപ്പോള്‍ പ്രധാന ആശുപത്രികളില്‍ ലഭിക്കുമെന്ന് തോന്നുന്നു. പക്ഷെ ആരും അത്ര ശ്രദ്ധിക്കാറില്ല എന്നതാണ് കാര്യം. അതുപോലെ PEP അസുരക്ഷിത ലൈംഗിക ബന്ധത്തിനു ശേഷവും ഉപയോഗപ്രദമാണത്രേ. അത് കൊണ്ടു തന്നെ ബാലത്സംഗത്തിനിരയായവര്ക്ക് ഇതൊരു എച്ച് ഐ വി ബാധ തടയാനുള്ള മാര്‍ഗമായ് പല രാജ്യങ്ങളിലും ഉപയോഗിച്ചു തുടങ്ങി. പക്ഷെ ഇത് ഒരു സ്ഥിരം പ്രതിരോധ മര്‍ഗമാക്കാന്‍ പാടില്ലെന്നും പറയുന്നു.
    കൂടുതല്‍ വിവരങ്ങള്‍ ഇവിടെ:

    2. "ഒരു രോഗിക്ക് എയിഡ്സ്/HIV ബാധ ഉണ്ടെങ്കില്‍ അത് സാധാരണഗതിയില്‍ ഡോക്ടറും രോഗിയും മാത്രമേ അറിയുവാന്‍ പാടുള്ളൂ. മൂന്നാമതൊരാള്‍ - അതു മറ്റൊരു ഡോകടറായാലും ശരി വാര്‍ഡ് നേഴ്സായാലും ശരി, രോഗിയുടെ അടുത്ത ബന്ധുക്കളായാലും ശരി - അറിയാന്‍ പാടില്ല എന്ന് നിയമമുണ്ട്."

    സര്‍ക്കാര്‍ നയമനുസരിച്ച് 'voluntary testing and counselling' മാത്രമെ പാടുള്ളൂ. അതായത് രോഗിയെ counselling നല്‍കിയതിന് ശേഷം രോഗിയുടെ സമ്മത പ്രകാരം മാത്രം ടെസ്റ്റ് നടത്താനും അതിന്‍റെ റിസള്‍ട്ട് രോഗിക്ക്‌ വിസടമാക്കി കൊടുക്കുക. ഇത് പല വികസിത രാജ്യങ്ങളിലും വളരെ കൃത്യമായ്‌ നടത്താറുണ്ട്. പക്ഷെ നമ്മുടെ നാട്ടില്‍ confidentiality (സ്വകാര്യത ?) എന്നത് ആര്ക്കും മനസ്സിലാകാത്ത ഒന്നാണ്. എല്ലാത്തിലും കയറി തലയിട്ടു സഹായിക്കാന്‍ നോക്കും നമ്മള്‍. രോഗിക്ക്‌ വേണേലും വെണ്ടെങ്കിലും! തിരുവനന്തപുരത്തെ ഒരു സ്വകാര്യ ബ്ലഡ്‌ ബാങ്കില്‍ അത്യാവശ്യമായ് ഒരു രോഗിക്ക്‌ രക്തം കൊടുക്കാന്‍ പോയപ്പോള്‍ വെറുതെ ചോദിച്ചു "എച്ച് ഐ വി പോസിറ്റീവ് ആണെങ്കില്‍ ഈ രക്തം നിങ്ങള്‍ എന്ത് ചെയ്യും?"
    ആദ്യം അവരൊന്നു ഞെട്ടി. പിന്നെ പറഞ്ഞു. " രക്തം കളയും. പിന്നീട് നിങ്ങടെ വീട്ടില്‍ വിളിച്ചറിയിക്കും" വീട്ടിലെ നമ്പര്‍ എഴുതാന്‍ പറഞ്ഞതിന്റെ ഗുട്ടന്‍സ് അപ്പോഴാണ് മനസ്സിലായത്. അതായത് നമുക്കു മനപ്രയാസം ആയെങ്കിലോ എന്ന് വിചാരിച്ചു വീട്ടില്‍ പറഞ്ഞു മനസ്സിലാക്കും അത്രേ! അര മണിക്കു‌ര്‍ ക്ലാസ്സ് എടുക്കേണ്ടി വന്നു.

    ലാബിലുള്ളവര്‍ ആണ് രോഗിയുടെ എച്ച് ഐ വി സ്റ്റാറ്റസ് ആദ്യം മനസ്സിലാക്കുന്നത്‌. പലപ്പോഴും പിന്നെ അത് കൊണ്ടു കൊടുക്കുന്ന നേഴ്സ്, attendarmaar, ഡോക്ടര്‍, രോഗിയുടെ ബന്ധുക്കള്‍, അവസാനം രോഗി! അല്ലാതെയുള്ളത് ചുരുക്കം ആണെന്നാണ് എന്‍റെ അഭിപ്രായത്തില്‍. ഇപ്പോള്‍ വ്യത്യാസം വന്നോ എന്നറിയില്ല.

    3. "ആശുപത്രിയിലൂടെയൊന്നുമല്ല ലോകത്ത് 89% എയിഡ്സും പകരുന്നത്. മറിച്ച് എച്ച്.ഐ.വി ബാധയുള്ളവരുമായി ഉള്ള സുരക്ഷിതമല്ലാത്ത ലൈംഗിക ബന്ധം വഴിയാണ്. ഇതില്‍ തന്നെ 90%-വും സ്ത്രീ-പുരുഷ ലൈംഗിക ബന്ധം വഴിയാണ്."

    വളരെ ശരിയായ അറിവും കണക്കും ആണെങ്കിലും കുറച്ചു കൂടി കൂട്ടിച്ചേര്‍ത്താലെ ഇതിന്‍റെ പൂര്‍ണത വരുകയുള്ളു. ഒന്നാമത് സ്ത്രീ-പുരുഷ ലൈംഗിക ബന്ധങ്ങള്‍ ആയിരിക്കാം പുരുഷ-പുരുഷ ലൈംഗിക ബന്ധങ്ങലെക്കാള്‍ വളരെ അധികം എന്നത് ഈ കണക്കു വ്യക്തമാക്കുന്നില്ല. അപ്പോള്‍ സ്വാഭാവികമായും സ്ത്രീ-പുരുഷ ലൈംഗിക ബന്ധങ്ങള്‍ കാരണം ഏറ്റവും കൂടുതല്‍ എച്ച് ഐ വി ബാധയും ഉണ്ടാകുന്നു. രണ്ടാമത്, പുരുഷ-പുരുഷ ലൈംഗിക ബന്ധത്തില്‍ പലപ്പോഴും anal sex ഉണ്ടാകാറുള്ളത് കൊണ്ട് എച്ച് ഐ വി ബാധ ഉണ്ടാകാനുള്ള സാദ്ധ്യതയും വളരെ കൂടുതല്‍ ആണ്. മുന്നാമതായ്, ഇന്ത്യയില്‍ injecting drug users ന്റെ ഇടയില്‍ കഴിഞ്ഞാല്‍ ഏറ്റവും കൂടുതല്‍ ശതമാനം എച്ച് ഐ വി ബാധ സ്വവര്‍ഗ പ്രേമികളില്‍ ആണ്.

    ഓ.ടോ: എന്‍റെ ബ്ലോഗില്‍ കൂടുതല്‍ സാമൂഹ്യ വശങ്ങള്‍ ഉള്‍പ്പെടുത്താനാണ് ശ്രമിക്കുന്നത്. അതിനാല്‍ ഇതുപോലെ ശാസ്ത്ര സാങ്കേതിക വശങ്ങള്‍ ഉള്‍പ്പെടുത്തി ലേഖനങ്ങള്‍ വരേണ്ടത് അത്യാവശ്യം തന്നെ. പ്രത്യേകിച്ചും വളരെ അധികം വിവരക്കേടുകള്‍ പ്രചരിക്കുന്ന ഈ കാലഘട്ടത്തില്‍.

    ReplyDelete
  9. പ്രിയപ്പെട്ട സൂരജ്‌, മൂര്‍ത്തിജി, റെവല്യൂഷന്‍സ്‌, ശ്രീവല്ലഭന്‍

    ഒരു ഓ,ടോ

    ഈ ഏ.കെ വലിയ ദ്രോഹമാണു ചെയ്യുന്നത്‌. അയാളുടെ സ്ഥലം കണ്ടെത്തിയിട്ടുണ്ട്‌.

    എന്റെ ഒരു അകന്ന ബന്ധുവിന്റെ വീട്ടില്‍ വച്ച്‌ പുസ്തക രൂപത്തില്‍ ഉള്ള അക്ഷരക്കഷായം കാണാനിടയായി. ബ്ലോഗിലൂടെ വിസര്‍ജ്ജിക്കുന്നതിനേക്കാള്‍ രൂക്ഷം. ഹിന്ദിയില്‍ 5 ലക്ഷം, കന്നടയിലും , തമിഴിലും ഒന്നര ലക്ഷം വീതം മലയാളത്തില്‍ 3 ലക്ഷം പ്രചാരമുള്ള കൈപ്പുസ്തകം എന്ന് അതില്‍ കണ്ടു. വീട്ടുകാര്‍ അത്‌ വേദപുസ്തകം പോലെയാണു സൂക്ഷിച്ച്‌ വച്ചിരിക്കുന്നത്‌. അത്‌ ഉപയോഗിക്കേണ്ട വിധം കൊടുത്തിരിക്കുന്നതാണു ജുഗുപ്സാവഹം. "ഡോക്ടറേ കാണുന്നതിനു മുമ്പ്‌ ഒരു നേരം. കണ്ടതിനു ശേഷം മൂന്നു നേരം". ഈ ഏ.കെ യുടെ അടുത്ത്‌ ചികിത്സക്ക്‌ പോയി ദുരന്ത അനുഭവിച്ച ഒരു കുടുംബമാണത്‌. എന്നിട്ടും അവര്‍ക്ക്‌ അയാള്‍ ആരാധ്യനാണു എന്നതാണു വിചിത്രം. ക്യാന്‍സര്‍ സെക്കന്ററിയായി ഒരു കീമോയും കഴിഞ്ഞ ശേഷമാണു അവര്‍ അയാളെ ചെന്ന് കണ്ടത്‌. എന്തൊക്കയോ പുല്ലും വയ്ക്കോലും കഴിക്കാന്‍ കുറിച്ചു കൊടുത്തു. കുറേ കുപ്പി മരുന്നും ചില്ലറ പൊടികളും. മൂന്നാഴ്ചയ്ക്ക്‌ ശേഷം അടുത്ത കീമോയ്ക്കുള്ള സംയമായപ്പോള്‍ എന്തു ചെയ്യണമെന്ന് സിദ്ധന്റെ ഉപദേശം തേടി. അയാള്‍ വ്യക്തമായി ഒന്നും പറഞ്ഞില്ല. രോഗി ജീവനില്‍ ഭയമുള്ളതുകൊണ്ട്‌ നേരെ RCC യിലേക്ക്‌ വിട്ടു. കീമോ എടുക്കുകയും ചെയ്തു. പക്ഷെ ഒരു മാസത്തിനകം വൃക്കകള്‍ തകരാറിലായി മരിയ്ക്കുകയാണുണ്ടായത്‌. അതിനിടയാക്കിയത്‌ മിക്കവാറും സിദ്ധന്‍ കൊടുത്ത പൊടികളായിരിക്കും. ഇത്തരം വ്യാജചികിത്സകര്‍ ശാസ്ത്രമറിയാതെ ഹെവിമെറ്റല്‍സ്‌ മരുന്നായി കൊടുക്കുമെന്ന് കേട്ടിട്ടുണ്ട്‌. ഇവിടെയും സംഭവിച്ചത്‌ അതാണെന്നു തോന്നുന്നു. കഷ്ടം തന്നെ. ഇത്തരം ചികിത്സകരെ ജയിലിലടയ്ക്കാനുള്ള നിയമം ഈ രാജ്യത്തില്ലെ? ഈ IMA യൊന്നും അതിനു മുങ്കൈ എടുക്കാത്തതെന്താണു? അയാളുടെ വിലാസവും ഫോണ്‍ നമ്പറും:
    Karuna Foundation,
    Paliyil Madom,
    Palappuram - 679103
    Phone: 9447194884 / 9447035065 / 0466 2247144

    ReplyDelete
  10. Thanks for this information.
    This is a criminal offense to spread misnomers and lead society to disaster. Going to take measures out of web.

    ReplyDelete
  11. National

    `SIMI trying to re-group in Kerala'

    By Our Staff Reporter



    THIRUVANANTHAPURAM Sept. 2. The Students Islamic Movement of India (SIMI), which was banned by the Central Government in 2001, is making a strong attempt to re-group its cadres in Kerala, according to the State police.

    Activists of the banned organisation had come under close scrutiny by the State police after one of its former presidents, C.A.M. Basheer of Aluva in Ernakulam district, emerged as a prime suspect in the recent bomb blasts in Mumbai. The State police are therefore actively tracking "SIMI cells" operating under different guises in Kerala, an official said. These "cells", which could easily be functioning within larger organisations, operated in a highly secretive manner and kept no records of their membership, he said.

    An official said the local SIMI unit's links with the Mumbai terror networks had come in the open well before the twin blasts on March 29 this year when the southern commander of the Laskhar-e-Taiba (LeT), Muhammad Fasial Khan alias Abu Sultan, was killed in an encounter with the Mumbai police. Some time before his death, Abu Sultan had made a clandestine visit to Kerala with a suspected Basheer-aide identified by a top police official as "Yahya". The official said efforts were on to trace "Yahya" who could perhaps provide clues about Basheer's whereabouts.

    Top police sources told The Hindu that the organisations currently under scrutiny for the likely presence of SIMI activists among their members included the Muslim Youth Cultural Forum (Ernakulam), the Karuna Foundation , the Muslim Ikya Vedi (Alappuzha), the Sahridaya Vedi (Thrissur), the Samskara Vedi (Malappuram), the Muslim Ikya Vedi (Ernakulam), the Solidarity Students Movement and the Movement for Protection of Islamic Symbols and Monuments.

    The police also had information about a "SIMI girl's wing which presently has 335 active members in the State".

    Police said that Basheer, a post-graduate diploma holder in Aeronautical engineering, had gone underground in 1992 after he was accused in a case registered by the CBI under the Terrorist and Disruptive Activities (Prevention) Act. The other accused in the case included Saquib Abdul Hameed Nachan of the SIMI and Lal Singh of the Khalistani Movement. Both of them were arrested subsequently.

    An official specialising in SIMI activities said that Basheer could have used his contacts in Kerala to channelise funds for those who carried out the attacks in Mumbai. When the SIMI headquarters, the `Solidarity House' in Kozhikode, was raided by the police in October 5, 2001, officials had stumbled upon account books showing contributions made to the organisation by "benefactors'' in the Gulf through hawala networks. The other documents seized from the SIMI office included propaganda material printed by the Kashmiri militant outfit, Tehreek-e-Hurriyat-e-Kashmir. "The payments often ranged between 20,000 and one lakh Saudi riyals a week. No record was found on how it was spent. Some records showed that a fraction of such donations were used for providing training in karate and kalari to some of the SIMI cadre," an official said.

    http://www.hinduonnet.com/thehindu/2003/09/03/stories/2003090306951100.htm

    ReplyDelete
  12. http://www.hinduonnet.com/thehindu/2003/09/03/stories/2003090306951100.htm

    ReplyDelete
  13. പൂര്‍വ്വ ജന്മത്തിലെ പാപങ്ങളാണു രോഗങ്ങളായി പരിണമിക്കുന്നത്‌. ഇക്കാര്യത്തില്‍ ഒരു സംശയവുമില്ല
    http://aksharakkashayam.blogspot.com/

    ReplyDelete
  14. "ak said...
    പൂര്‍വ്വ ജന്മത്തിലെ പാപങ്ങളാണു രോഗങ്ങളായി പരിണമിക്കുന്നത്‌. ഇക്കാര്യത്തില്‍ ഒരു സംശയവുമില്ല
    http://aksharakkashayam.blogspot.com/"

    ഞാന്‍ ഇതു വായിച്ചു ! അപ്പോള്‍ ഒരു സംശയം ....അപ്പോള്‍ ആദ്യ ജന്മത്തില്‍ ഒരു രോഗവും ഉണ്ടാവില്ലേ? അങ്ങനെ ഒരു രോഗവും ഇല്ലാത്ത ഒരാള്‍ ജീവിച്ചിരിപ്പുണ്ടോ ?..........

    ReplyDelete
  15. സൂരജേ എത്ര കിട്ടിയാലും പഠിക്കില്ല എന്ന് തീരുമാനിച്ചുറപ്പിച്ച് തന്നയാ അശോക് കര്‍ത്ത എന്ന പിരാന്തന്‍ ബ്ലോഗില്‍ പോയി സമയം മെനക്കെടുത്തി കമന്റുന്നത് എന്ന് മനസ്സിലായി . ഇനി നിങ്ങളുടെ പാട്ടിന് സൌകര്യം പോലെ ചെയ്യുക . ഞങ്ങള്‍ ഇങ്ങോട്ട് വരുന്നില്ല . വേറെ പണിയുണ്ട് . ഗുഡ് ബൈ !!

    ReplyDelete
  16. ചികിത്സയും എയ്‌ഡ്‌സ് വ്യാപനവുമായുള്ള ബന്ധം: ഒരു ഇ-മെയില്‍ ഫോര്‍വേഡ്
    ______________________________


    GIRL: I have sinned. I called my boyfriend a BASTARD.

    PSYCHIATRIST: Well now, that's not a nice thing to call anyone, so what did he do to deserve that?

    GIRL: Well, he kissed me.

    PSYCHIATRIST : You mean like this?

    The psychiatrist kissed the girl

    GIRL: ...... Yes!

    PSYCHIATRIST: Well that's no reason to call him a BASTARD.

    GIRL: But, he put his hand in my top.

    PSYCHIATRIST: You mean like this?

    The psychiatrist put his hand in the girl's top

    GIRL: Yes!

    PSYCHIATRIST: Well that's no reason to call him a BASTARD.

    GIRL: But, he took my clothes off.

    PSYCHIATRIST: You mean like this?

    The psychiatrist took off the girl's clothes

    GIRL: Yes!

    PSYCHIATRIST: Well that's no reason to call him a BASTARD.

    GIRL: But, he had sex with me!

    PSYCHIATRIST: You mean like this?

    The psychiatrist had sex with the girl

    GIRL: .Yes!

    PSYCHIATRIST: Well that's no reason to call him a BASTARD.

    GIRL: But, then he told me he has AIDS.

    PSYCHIATRIST: BASTARD!!!!!

    ______________________________

    അശോക്‍ കര്‍ത്താ പറയുന്നതും ഇതേ പോലെ തമാശയായിട്ടു് എടുത്താല്‍ മതി. :)

    ReplyDelete
  17. സെബിന്‍,
    ഇതാദ്യം കാണുന്നു. നല്ല തമാശ തന്നെ.

    കഴിഞ്ഞ ജന്മത്തില്‍ നമ്മളെല്ലാം കാഴുതകളായ് ജനിച്ചിരിക്കണം. അതിന്‍റെ ഫലമായ് ഈ ജന്മത്തില്‍ മനുഷ്യരായ് ജനിച്ചപ്പോള്‍ ചില വിഢ്ഢിത്തരങ്ങള്‍ വായിച്ച് കൊണ്ട് അതിന് മറുപടി എഴുതേണ്ടതായ് വരുന്നു. ചിലര്‍ക്കൊക്കെ അത് തിരിച്ചു സംഭവിച്ചിരിക്കുന്നു. :-)

    ReplyDelete
  18. ഹ ഹ ഹ!

    ഏതായാലും സ്വന്തം ശവപ്പെട്ടിയിലെ അവസാനത്തെ ആണിയും കര്‍ത്താവ് സാര്‍ അടിച്ചുകയറ്റിക്കഴിഞ്ഞു.

    സുരേഷ് ജീ, റെവല്യൂഷന്‍സേ, നിങ്ങള്‍ക്ക് നമോവാകം. നിങ്ങളുടെയത്രയും ബ്ലോഗ് പരിചയം ഇല്ലതെ പോയി. അതിനാല്‍ കര്‍ത്താവിന്റെ പഴയകാല വിക്രിയകള്‍ ശ്രദ്ധിച്ചിരുന്നില്ല. ഏതായാലും ഇനി അങ്ങോട്ടില്ല. മൂപ്പര്‍ സയന്‍സിനെ പിടിച്ചു തലകുത്തനെ നിര്‍ത്തുമ്പോള്‍ പക്ഷേ പ്രതികരിക്കാതിരിക്കാനാവുന്നില്ല സുഹൃത്തുക്കളേ. ഈ പോസ്റ്റ് അത്തരം ചില ഭീകരമാ‍യ തെറ്റിദ്ധാരണകള്‍ തിരുത്താന്‍ വേണ്ടി ധൃതി പിടിച്ച് എഴുതിയതാണ്. കമന്റായി ഇടാതെ ഇതൊരു പോസ്റ്റാക്കിയത് തന്നെ ശ്രീവല്ലഭന്‍ ജീയെപ്പോലെയുള്ളവരുടെ പോസ്റ്റുകളെ ബൂലോക ശ്രദ്ധയില്‍ കൊണ്ടു വരാന്‍ വേണ്ടിക്കൂടിയാണ്. ഏതായാലും അപൂര്‍ണ്ണമാണെന്ന് ആമുഖത്തില്‍ തന്നെ ചൂണ്ടിക്കാണിച്ചിരുന്ന ഈ പോസ്റ്റില്‍ വന്ന കമന്റുകള്‍ ബൂലോകത്തിനു മുതല്‍ക്കൂട്ടാകുമെന്നതില്‍ സംശയമില്ല.

    രാജേഷ് ജീ, Detective ചേട്ടാ,
    ആ വിവരം ഞെട്ടിക്കുന്നതാണ്. റെജിസ്റ്റേഡ് അല്ലാത്ത വ്യാജന്മാര്‍ അരങ്ങു വാഴുന്ന മേഖലയാണ് ആള്‍ട്ടര്‍നേറ്റിവ് മെഡിസിന്‍ ഇന്ന്. വാളെടുത്തവനൊക്കെ വെളിച്ചപ്പാട്! ഐ.എം.ഏ ക്കൊന്നും ഇതില്‍ ഒന്നും ചെയ്യാനാവില്ല. കാരണം ഇത് രാജ്യത്തെ ഗവണ്മെന്റ്റിന്റെ അധികാരത്തില്‍ പെട്ട വിഷയം ആണ്. ഇതുപോലുള്ളവര്‍ക്കൊക്കെ കേറി ആളാവാനും റിസേര്‍ച്ച് എന്നുമ്പറഞ്ഞ് കോടികള്‍ ധൂര്‍ത്തടിക്കാനും ഈ മ്യൂസിയം പീസുകള്‍ക്ക് യൂണിവേഴ്സിറ്റികള്‍ തുറന്നു കൊടുക്കുന്ന അന്‍പുമണി രാ‍മദാസന്മാരല്ലേ ഭരിക്കുന്നത് ?

    ആ കാശിന് കുറേ പിള്ളാരെ പിടിച്ച് ഇമ്മ്യൂണൈസേഷന്‍ നടത്തുകയോ ഉച്ചക്കഞ്ഞി വിതരണം നടത്തുകയോ ചെയ്തിരുന്നെങ്കില്‍ കുറേ തലമുറകള്‍ രോഗങ്ങളില്‍ നിന്ന് മോചിതരായേനെ !
    എന്തു ചെയ്യാം, നമുക്ക് നിലവിളിക്കാനല്ലേ കഴിയൂ!

    മൂര്‍ത്തീ ജീ,സെബിന്‍ ചേട്ടാ, കുട്ടുറൂബേ എല്ലാവര്‍ക്കും നന്ദി!

    പിന്നെ കര്‍ത്താവേ,
    ഒരു വാക്ക് :

    മാഷ് ശല്യതന്ത്രത്തിലെ വ്യാധിപ്രകാരങ്ങളോ, ചരകന്റെ അതുല്യഗോത്രീയമോ എടുത്തൊന്ന് നോക്ക്. വേണേല്‍ സര്‍വ്വഭൂതചിന്താശാരീരത്തില്‍ പറയുന്ന ജഗത് കാരണങ്ങളായ ആറു സംഗതികള്‍ കൂടി ഒന്നു റെഫര്‍ ചെയ്തോളൂ. അതിലുണ്ട് ആയുര്‍വേദപ്രകാരം വിസ്തരിക്കുന്ന മനുഷ്യശരീരത്തിന്റെ നിര്‍മ്മിതിയും, രോഗങ്ങളുടെ കാര്യകാരണവും വര്‍ഗ്ഗീകരണവും.

    മാഷിന്റെ ‘പൂര്‍വ ജന്മ പാപം’ എവിടെക്കിടക്കുന്നു അയുര്‍വേദത്തിലെ വ്യാധിരൂപങ്ങളെവിടെക്കിടക്കുന്നു ?!

    ReplyDelete
  19. സെബിനേ, കലക്കി. കര്‍ത്താവിനാണെ കലക്കി.

    സൂരജിനോടൊരു വാക്ക്. ബ്ലോഗിന്റെ വിഷയങ്ങള്‍ തീരുമാനിക്കുന്നത് ഏതെങ്കിലും കര്‍ത്താവാകരുത്. വിവരമില്ലായ്മയെ അതിന്റെ പാട്ടിനു വിടൂ. ഒരു മുജ്ജന്മ പാപിയ്ക്ക് സൂരജിന്റെ ബ്ലോഗു വഴി പാപമോക്ഷമൊന്നും കൊടുക്കേണ്ട. ബ്ലോഗില്‍ കിടക്കുന്ന ആ കാട്ടുകല്ലില്‍ ചവിട്ടാന്‍ വേറെയേതെങ്കിലും രാമന്‍ വരട്ടെന്നേ............

    ReplyDelete
  20. പൂര്‍വ്വ ജന്മത്തിലെ പാപങ്ങളാണു രോഗങ്ങളായി പരിണമിക്കുന്നത്‌ എന്ന അശോക് കര്‍ത്തയുടെ കണ്ടെത്തല്‍ ഭാരതീയ സ്വദേശി വൈദ്യശാസ്ത്രശാഖയ്ക്ക് ഒരു അപൂര്‍വ്വമായ മുതല്‍ക്കൂട്ട് തന്നെയാണ് . ഇത്തരം കര്‍ത്താമാര്‍ തന്നെയായിരിക്കുമല്ലോ അക്കാലത്ത് വാസ്തുവും ജ്യോതിഷവും ആയുര്‍വ്വേദവും എല്ലാം എഴുതിയിട്ടുണ്ടാവുക . പോകുന്ന പോക്ക് കണ്ടാല്‍ കര്‍ത്താമാര്‍ നാളത്തെ ആചാര്യന്മാര്‍ ആയിക്കൂടെന്നില്ല . മാരീചന്‍ പറഞ്ഞത് സൂരജ് ശ്രദ്ധിക്കുമല്ലോ . ബ്ലോഗിന്റെ വിഷയം കര്‍ത്താമാര്‍ നിശ്ചയിക്കരുതെന്ന് . ഞാനും മുന്‍പ് സൂചിപ്പിച്ചിരുന്നു . കമന്റുകളെ പിന്‍‌തുടര്‍ന്ന് വിഷയങ്ങളില്‍ നിന്ന് വ്യതിചലിക്കരുതെന്ന്‍ . ഏതായാലും ഇനി അക്ഷരക്കഷായത്തിലേക്കില്ല എന്ന തീരുമാനം സ്വാഗതാര്‍ഹം തന്നെ .

    ReplyDelete
  21. For AK 47's attention:

    ഞാന്‍ വയലന്റായീ..(പിന്നേ!..)
    അളിയന്‍സ് ..താളിയോല ബ്ലോഗ് ഏതുവരെയായി? ഇത് അവിടെ പ്രസിദ്ധീകരിക്കാന്‍ ബെസ്റ്റ് ആയിരുന്നു.
    ഡോ: സൂരജ്, എന്ത് കൊണ്ട് നിങ്ങള്‍ ഇയ്യാളെ ഇത്രയും ബഹുമാനത്തില്‍ പിന്തുടര്‍ന്ന് ചോദ്യം ചെയ്യുന്നു? Inspite of his several insulting remarks about you.
    ശിശുസഹജമായ കൌതുകത്തെ പരിഹസിക്കുന്ന ആ വേദിക് ധാര്‍ഷ്ട്യം കണ്ടോ?..
    പ്രാചീനന്‍ ഈ കൌതുകം വച്ചു പുലര്‍ത്തിയിരുന്നതു കൊണ്ടല്ലേ, ഇന്നനുഭവിക്കുന്ന എല്ലാ സുഖസൌകര്യങ്ങളും അളിയന്‍ ഓസിനു അനുഭവിക്കുന്നത്? നോക്കണേ അളിയന്റെ അഹങ്കാരം!! അണ്ണന്‍ എന്താ അണ്ണാ ഇന്നും പ്രാചീനന്‍ ആയിരിക്കുന്നത്? അണ്ണനു നാണമുണ്ടോ ഈ പാശ്ചാത്യര്‍ കണ്ടുപിടിച്ച കുന്ത്രാണ്ടങ്ങള്‍ ഉപയോഗിക്കാന്‍? എന്റെ തിരുമുല്‍പ്പാടണ്ണോ...
    പാശ്ചാത്യകുമാറിന്റെ കാശിനു കള്ളും കുടിച്ച് പാശ്ചാത്യകുമാറിനെ ചീത്ത പറയുകയാണോ?..കണ്ട്രോള്‍ ഭഗവതീ കണ്ട്രോള്‍ തരൂ...

    ഒരു പേഴ്സണല്‍ ചോദ്യം: അണ്ണന്റെ പിള്ളാര്‍ക്ക് ഈ പൂര്‍വ്വജന്മ പാപ കാര്യങ്ങള്‍ ചൊല്ലിക്കൊടുക്കുന്നുണ്ടോ? അതോ അവരെ സയന്‍സ് ഒക്കെ പഠിപ്പിച്ച് ഡോക്റ്ററോ എഞ്ചിനീയറോ ആക്കുമോ?

    ReplyDelete
  22. പണ്ടൊരിക്കല്‍ ഈ-മെയ്‍ലില്‍ വന്നൊരു forward ഉണ്ട്. ഡെല്‍ഹിയിലോ മറ്റോ സിനിമാ തീയറ്ററുകളില്‍ എയ്‍ഡ്സ് രോഗിയുടെ മേത്ത് കുത്തിയ സൂചി സീറ്റുകളില്‍ കുത്തിവെക്കുമത്രെ. അങ്ങനെ അതില്‍ ഇരിക്കുന്നവര്‍ക്ക് കുത്ത് കൊണ്ട് അവരും രോഗികളാകുമെന്ന്. പിന്നൊരിക്കല്‍ മറ്റൊരു മെയ്‍ല്‍ വന്നു, നനവുണ്ടെങ്കില്‍ മാത്രമെ വൈറസ് ജീവിക്കുള്ളു എന്നും അത്തരം സൂചികള്‍ ശരിക്കും വെച്ചിട്ടുണ്ടെങ്കില്‍ തന്നെ പേടിക്കാനില്ല എന്നും. ഇതില്‍ എത്ര മാത്രം സത്യമുണ്ട്?

    ജെനെറ്റിക്സിനെ കുറിച്ചും എവല്യൂഷനെ കുറിച്ചുമൊക്കെ കൂടുതല്‍ പോസ്റ്റുകള്‍ പ്രതീക്ഷിക്കുന്നു (ഇംഗ്ലീഷ് ബ്ലോഗ്ഗ് വായിച്ചു, അധികമൊന്നും മനസ്സിലായില്ല)

    ReplyDelete
  23. Dear ‘ഞാന്‍’,

    എച്ച്.ഐ.വി വൈറസ് ബാധിതര്‍ക്കെതിരേയുള്ള വിലകുറഞ്ഞ അനേകം പ്രചരണങ്ങളില്‍ ഒന്നായേ അതും കാണാനാവൂ എന്നാണ് എനിക്കു തോന്നുന്നത്. നനവുണ്ടായാലും ഇല്ലെങ്കിലും, ഈ വൈറസിന് ജീവനുള്ള കോശങ്ങള്‍ക്ക് പുറത്ത് ഏതാനും സെക്കന്റുകളേ ആയുസ്സുള്ളൂ. സാധാരണ സോപ്പുവെള്ളത്തില് ചത്തു പോകുന്ന ഒരു അതിലോലന്‍ വൈറസാണ് ഇത്.

    സ്റ്റെറിലൈസ് ചെയ്യാത്ത സൂചികളിലൂടെ ഇത് പകരുമെന്ന് പറയാറുണ്ടെങ്കിലും അതിന്റെ സന്ദര്‍ഭം കൂടി കണക്കിലെടുക്കണം. മയക്കുമരുന്നുകുത്തിവച് ഉപയോഗിക്കുന്നവര്‍, ഇഞ്ചക്ഷന്‍ സിറിഞ്ച് കൈമാറി കൈമാറി ഒരേ സമയം ഉപയോഗിക്കുമ്പോളാണ് ഈ തരത്തിലുള്ള സംക്രമണം അധികവും നടക്കുക. സൂചീയുടെയും സിറിഞ്ചിന്റെയും ദൌര്‍ലഭ്യം കാരണമാണ് ഇത് സംഭവിക്കുന്നത് എന്ന് വ്യക്തമാണല്ലോ. അതുകൊണ്ടു തന്നെ മയക്കു മരുന്നുപയോഗം നിയമ വിധേയമായ ചിലയിടങ്ങളില്‍ ഉപഭോക്താക്കള്‍ക്ക് സൂചിയെത്തിക്കാന്‍ പദ്ധതികളാവിഷ്കരിക്കപ്പ്പെട്ടിട്ടുണ്ട്. പരസ്യങ്ങളിലൂടെയും മറ്റ്ം അവരെ സൂചി ഷെയര്‍ ചെയ്യുന്നതില്‍ നിന്നും പിന്തിരിപ്പിക്കാനും പരിപാടികള്‍ അവിടങ്ങളില്‍ ഉണ്ട്.

    ആസ്പത്രികളുലാകട്ടെ സൂചിയും സിറിഞ്ചുമൊക്കെ ഒറ്റത്തവണ ഉപയോഗിച്ചുകഴിഞ്ഞാല്‍ അവ നശിപ്പിക്കണം എന്ന് നിയമമുണ്ട്. ഇതിനു സൌകര്യമില്ലാത്ത സ്ഥലങ്ങളിലും അവസരങ്ങളിലും (യുദ്ധരംഗത്തോ, അത്യാഹിത രംഗങ്ങളിലോ) സൂചി തിളച്ച വെള്ളത്തിലിട്ട് അണുവിമുക്തമാക്കാം.

    രക്തത്തിലൂടെയുള്ള എയിഡ്സ് പകര്‍ച്ച ഇന്ന് തുലോം കുറവാണ്. കാരണം, ഇന്ന് നമുക്ക് രക്തദാനത്തിനു മുന്‍പ് രക്തം സ്ക്രീന്‍ ചെയ്ത് നോക്കാന്‍ ചെലവ് കുറഞ്ഞ നല്ല ടെസ്റ്റുകളുണ്ട്. അമ്മയില്‍ നിന്നും പ്രസവസമയത്തെ ബ്ലീഡിംഗ് വഴി കുഞ്ഞിലേക്കു പകരുന്നതു തടയാന്‍ മരുന്നുകളുണ്ട്.. അറിയാതെ സൂചിക്കുത്തിലൂടെയോ മറ്റോ വൈറസ് പകര്‍ന്നിട്ടുണ്ട് എന്നു സംശയമുണ്ടായാല്‍ ഉടന്‍ തന്നെ എയിഡ്സിനു നല്ല മരുന്നുകള്‍ ഉണ്ട് - (പോസ്റ്റ് എക്സ്പോഷര്‍ പ്രൊഫൈലാക്സിസ്) അവ കുറചു ദിവസത്തേയ്ക്ക് കഴിച്ചാല്‍ നല്ലൊര് പങ്കിലും വൈറസ് ബാധ രോഗമായി മാറുന്നതില്‍ നിന്ന് രക്ഷപ്പെടാം.(ശ്രീവല്ലഭന്‍ ജീ ഇത് കൂടൂതല്‍ വ്യക്തമായി കമന്റിയിട്ടുണ്ട്. വിശദമായ പോസ്റ്റ് ഈ ബ്ലോഗില്‍ പിന്നൊരിക്കല്‍ ഇടാം)

    ReplyDelete
  24. സൂരജേ ഇത്ര നിരാശ്ശനാകാനുണ്ടോ? വ്യാജവൈദ്യന്മാര്‍ക്കെതിരേ IMA യ്കോ ഗവണ്‍മ്മെന്റിനോ ഒന്നും ചെയ്യാനാവില്ലെങ്കിലും കോടത്തിക്ക് ഇടപെടാനാവില്ലെ? ഒരു പൊതുതാല്പര്യ ഹര്‍ജി ഫയല്‍ ചെയ്താല്‍ ഇത്തരക്കാരെക്കുറിച്ച് ഒരു അന്വേഷണമെങ്കിലും നടത്താതെയിരിക്കാന്‍ സര്‍ക്കാരിനു ആകുമോ? മാദ്ധ്യമങ്ങള്‍ കൂടി വിചാരിച്ചാല്‍ അവരെ തുഅറന്ന് കാട്ടാന്‍ എളുപ്പമാകും. അവര്‍ക്ക് മുന്നില്‍ ശാസ്ത്രലോകം പതറി നില്‍ക്കുന്നു എന്ന് കേള്‍ക്കുന്നത് അപഹാസ്യമാണു. സൂരജിനു ഇക്കാര്യത്തില്‍ എന്തു സഹായം ചെയ്യാനാകും? സുകുമാരേട്ടനു, ഡിറ്റെക്ടീവിനു? എന്റെ e-mail : rajeshmuni85@gmail.com

    ReplyDelete
  25. good post.if u could get ur posts published it would be useful to the public who are in a dangerous state due to little knowledge from here n there..awaiting the second part of hypertension.

    ReplyDelete